கேர்ணல் கடாபியின் மகன் முஅத்தஸிம்மின் காதலியாக 4 ஆண்டுகள் தான் இருந்துள்ளேன் என்று வனெஸ்ஸா ஹெஸ்லர் தெரிவித்திருந்தார். வனெஸ்ஸா ஹெஸ்லரின் அழகு முகமும் வாளிப்பான உடலும் நீளமான கால்களும் ஐரோப்பா எங்கிலும் விளம்பரப் பலகைகளையும் இணையப் பக்கங்களையும் அலங்கரித்து வந்துள்ளன.
ஸ்பானிஷ் ஐரோப்பிய தொலைதொடர்பு நிறுவனங்களின் குழுமமான டெலெபோனிக்காவின் அகண்ட அலைக்கற்றை இணையத் தொடர்பு சேவைக்கான விளம்பரங்களில் தோன்றி வந்த மொடல் இவர். ஆனால் இவர் அளித்த ஒரு பேட்டியின் காரணமாக டெலிபோனிக்கா நிறுவனத்தில் மொடலிங் பணியை தற்போது இவர் இழந்துள்ளார்.
இணையப் பக்கங்களில் வரும் டெலிபோனிக்காவின் விளம்பரங்களில் இருந்தும் இவரது படங்கள் ஏற்கனவே அகற்றப்பட்டுவிட்டன. சில நாட்கள் முன்பு கர்ணல் கடாபியுடன் சேர்த்துக் கொல்லப்பட்டிருந்த அவரது மகன் முஅத்தஸிம் கடாபியுடன் நான்கு ஆண்டுகள் காலம்தான் உறவு வைத்திருந்ததாக பிரபலங்கள் தொடர்பான இத்தாலிய பொழுதுபோக்கு சஞ்சிகை டீவா இ டோன்னாவுக்கு அளித்த பேட்டியில் இவர் சொல்லியிருந்தார்.
முஅத்தஸிம் கொல்லப்பட்டதை அறிந்து தான் கண்ணீர் சிந்தியதாகவும், காதலித்த நாட்களில் அவருடன் உணர்வுமிக்க நெருக்கமானதொரு உறவு வைத்திருந்தாக வனெஸ்ஸா சொல்லியிருந்தார். ஆனாலும் லிபியாவில் உள்நாட்டு யுத்தம் ஆரம்பித்ததிலிருந்து அவருடன் தான் தொடர்பில் இல்லை என்று இவர் தெரிவித்துள்ளார்.
கடாபி குடும்பத்தாரின் மற்ற உறுப்பினர்களையெல்லாம் தான் சந்தித்திருக்கிறேன் என்றும், அவர்கள் எல்லாம் 'இயல்பான ஆட்கள்'தான் என்றும் இவர் குறிப்பிட்டிருந்தார்.
0 comments:
Post a Comment